23 de dec. de 2018

Bo Nadal!

E chegamos ao final do ano e do primeiro trimestre! O último día, puidemos desfrutar das actuacións do alumnado do centro, ademais de entregar os premios aos gañadores/as dos concursos de nacementos e de postais de Nadal. Parabéns e boas festas!

 1º Premio: Hugo 
 2º Premio: Lucía
3º Premio: Estela
Postais de Nadal

12 de dec. de 2018

Chega o Nadal

Para este mes de decembro, estamos a preparar un concurso de postais de Nadal coa axuda do Departamento de Educación Plástica e Visual e do Departamento de Relixión. Poderá participar todo o alumnado do IES Julio Prieto Nespereira e a tarxeta que resulte gañadora será a imaxe oficial do Instituto para confeccionar a felicitación destas festas.



E para os máis pequenos, a Mesa pola Normalización Lingüística achéganos material para coñecer mellor a figura do Apalpador. Aquí deixamos uns enlaces nos que poderedes descargar a unidade didáctica e o formato de carta para enviarlla ao Apalpador. 

2 de dec. de 2018

Como chegou a vacina da varíola a América?

No portal da Consellería de Educación, preséntase unha unidade didáctica cunha guía que propón unha serie de recursos innovadores aplicables para os cursos de 3º e 4º de ESO nas materias de Bioloxía e Xeoloxía e Xeografía e Historia. O fío condutor é a chegada da vacina da varíola a América. Aquí deixamos as ligazóns: 

-Curso (entrar como convidado).

Os nenos da varíola (María Solar)

20 de nov. de 2018

25 de novembro

O 25 de novembro celébrase o Día Internacional contra a Violencia de Xénero. Para tratalo na aula, podemos axudarnos da seguinte presentación (EDLG do IES Enrique Muruais) que nos fala das orixes deste día e da historia das irmás Mirabal.

No IES Julio Prieto Nespereira, o alumnado e o profesorado quixeron mostrar o seu compromiso coa loita contra a violencia de xénero. Poesías, haikus, bolboretas e debuxos tamén serven para denunciar a violencia contra a muller.











Relatos de medo

Xa temos as gañadoras do concurso Relatos de medo! O primeiro premio foi para Antía, alumna de 1º ESO A co seu relato titulado "Impo", mentres que o segundo premio foi para a historia "1938". Outra alumna de 1º ESO A, Estela, obtivo o terceiro premio co conto "Coidado coa túa curiosidade".



14 de nov. de 2018

As Sete Partidas de Afonso X

O Portal da Ciencia en Galego, GCiencia, tráenos esta semana unha nova relacionada coa historia da nosa lingua. A noticia dá conta de que atoparon no Arquivo Histórico da Nobreza de Toledo un texto das Sete partidas, a obra de Afonso X o Sabio, en galego-portugués. Deixamos a ligazón a este achado feito aquí.

Afonso X


8 de nov. de 2018

Novembro: mes do medo

Este mes de novembro celebramos o Samaín, pero tamén os Magostos, especialmente na nosa terra ourensá. Por ese motivo, na entrada do centro hai unha pequena exposición sobre as orixes destas datas tan sinaladas. Ademais, o alumnado está moi atarefado xa que está a decorar as cabazas de Samaín e a transformar as aulas en espazos que dan auténtico medo... Tamén están preparadas as historias de medo coas que poderán participar no Certame de relatos de medo. O próximo venres, 16 de novembro, saberemos quen son os gañadores ou gañadoras!







Explícoche Matemáticas 2.0

Este é o ví­deo gañador do concurso Explícoche Matemáticas 2.0 da USC na categorí­a de 2º ciclo da ESO, Bacharelato e Formación Profesional.  O premio foi para o ví­deo Como calcular o tamaño da Terra, de Aarón Vilariñoo Folgueiras, alumno de 4º da ESO do IES Lamas de Abade.


5 de nov. de 2018

Guía dos elementos químicos

O grupo de innovación docente CienciaNOSA da Universidade de Santiago de Compostela (USC) publicou a nova versión en galego da Táboa periódica dos elementos, que recolle os novos elementos incorporados pola Internacional Union of Pure and Applied Chemistry (IUPAC).

Deixamos o enlace a esta nova publicación aquí



Para máis información, podes consultar a páxina do xornal da USC.

10 de out. de 2018

Domingo Fontán e a Carta Xeométrica de Galicia

A Secretaría Xeral de Política Lingüística, en colaboración co Consello da Cultura Galega e a Real Academia Galega de Ciencias, acaba de presentar unha unidade didáctica para dar a coñecer a figura do matemático e científico galego Domingo Fontán e a importancia da súa obra, na que destaca a Carta Xeométrica de Galicia. Podédela atopar na seguinte ligazón.





Ademais, a  Real Academia Galega de Ciencias celebrou o pasado luns, 8 de outubro, o Día da Ciencia en Galicia, no que se fixo homenaxe a Domingo Fontán, o autor da Carta Xeométrica de Galicia. No mesmo acto, o xornalista e director do programa Efervesciencia da Radio Galega, Manuel Vicente, recibiu tamén o Premio Galicia de Xornalismo Científico, convocado pola RAGC coa colaboración da Consellería de Economía, Emprego e Industria. Vicente foi recoñecido co galardón grazas á reportaxe “Ondas gravitacionais que soan en galego“. 

Aquí podes escoitar a reportaxe gañadora do III Premio Galicia de Xornalismo Científico.



Fonte: www.gciencia.com

 

20 de feb. de 2018

Día de Rosalía

Cada 24 de febreiro, celebramos o Día de Rosalía de Castro. Este ano, decidimos crear uns fotopoemas co alumnado de 3º e 4º ESO (que están demostrando ser uns artistiñas). Aquí vai unha mostra das súas creacións. E, lembrade, este 24 de febreiro #AbrideAFiestra e compartide os vosos traballos.


28 de xan. de 2018

Vocabulario do corpo

Aquí deixamos algúns dos debuxos dos artistiñas de 1º ESO. Esperemos que así non esquezan o vocabulario que aprenderon estes días.